العودة   rahimhnet# > الواحة المميزة > فعاليات مدينة رأس تنورة > النخبة
النخبة درركم ومواضيعكم المميزة
 
 
أدوات الموضوع انواع عرض الموضوع
قديم 04 / 11 / 2008, 51 : 09 PM   #111
شاعر
 
تاريخ التسجيل: 02 / 03 / 2004
رقم العضوية: 226
المشاركات: 5,876
سعود الشبرمي is on a distinguished road

الاملح / صخرة رحيمه

كلامكم عن الماضي جميل وسرد ذكريات قديمه تجعلنا نتابعكم حرف حرف

مره كنت ونا صغير مع أخوي دحيم في البحر وكان معنا الاستاد حسن طرد والكهلان والحُمد (شلة فريق الهدف) وطراد معروف ماشاء الله بقوته وصلابته ،المهم صاد هامور يوم وصل الهامور للسيف وشفناه واضح كل الوضح ،الهامور كعادته قوي ويلبط على قولة البحاره وقص الخيط بس مايمديه يبي يرجع للبحر إلا طراد طاب عليه وماسكه والدم ينزف من يدين طراد ولاهده .


متابعين لكم

التوقيع
----------------------
رحمك الله يالرمادي رحمه واسعه وغفرلك واسكنك الفردوس الاعلى .
((لن ننساك ماحيينا ))
ياقبر لوتدري بمن فيك مدفون
من طيبته وسعت له في مكانه

----------------------
سعود الشبرمي غير متصل  
قديم 05 / 11 / 2008, 38 : 02 PM   #112
وقت وعدى
 
الصورة الرمزية الأملح
 
تاريخ التسجيل: 03 / 09 / 2008
رقم العضوية: 14985
الدولة: في قلب الصراحه
المشاركات: 8,233
الأملح is on a distinguished road

الأخ سعود الشبرمي ؛ والله ما ظنتي إن حسن طراد يطب على الهامور وبس ... اظن انه عطاه كف وإلا صكه بقس وعلى مثل
هاالسالفه تجيكم حلقه كامله .... في القادم إن شاء الله

الأملح غير متصل  
قديم 05 / 11 / 2008, 48 : 07 PM   #113
وقت وعدى
 
الصورة الرمزية الأملح
 
تاريخ التسجيل: 03 / 09 / 2008
رقم العضوية: 14985
الدولة: في قلب الصراحه
المشاركات: 8,233
الأملح is on a distinguished road

تحبون السوالف الطيبه ..... واليوم سالفتنا عن سينمة الترميده " حي رضوى " , اتذكر علينا ذاك الليل برد يقص العظم .. لكن ما فيه فايده , فينا طلعه يعني فينا طلعه ... ما يردنا شي خاصة إن الفلم كاوبوي وخوش فلم والبطل كلينت إستوود ... ما اطول عليكم السالفه , تواعدنا انا أو واحد من الشعب وكل منّا قص على اهله وقال آنا ابروح لفلان أذاكر وياه علينا بكره اختبار وخويي جزاه الله خير بيشرح لي الدرس وإلا تبونا نسقط ... المهم .. مشت السالفه عليهم .. وعليها كعّابي كلن منّا متلكوت بكنبل عن البرد تقول افغانيه بس لابسين بناطلين شارلستون وقرقه ومراكض في ها السكيك وإمعاياة آنا وخويي وآنا ما اشوف منّه إلا خشمه ... ياطوله طولاه , لا وبعد مزكّم وبيده منديل يالله يكفي خشمه إلا جا يمشه ويوم عادلنا سكورتي بوابة الترميده زرقنا جنب الشبك وإلا هو ينادينا : وين مدرعمين بقعا تصيبكم .. أَطلعوا من هنا لا بارك اللــــه في ها الوجيه ... عودنا عليه وقعدنا نقردن فيه لين لوعّنا كبده وهو يقول ما أطخلكم , إن طخلتكم طخلت غيركم ( يعني إن دخلتكم دخلت غيركم )
المهم .. الرجال من كثر ما كلينا قلبه :z051: طخلنا وهو يتحلطم ويقول : رجيتونا إن الله يرجكم ... هيا .. قُدامكم السكرتي أللي عند ألسَيْنَمه ... والله إنه ما يطخلكم ... المهم ما علينا منّه .. وما ردنا إلا الكفتيريه , طبعا دقينا من الكيك دبل كريم حق ارامكو وسويت روول وبيبسي , ولو يبيعون حلوى البحرين ورهش كان ضربنا عليه - ما شفنا خير - وعليها متاغر وغير متاغر .. إلين وصلنا شبك السينمه وإلا السكورتي إتلاقط عيونه من النحاسه يبي يصيد له صيده .. لاكن مب على الأملح وخويه أبو خشم ؟ , رحنا من ورا البوابه وقطينا الكنابل على الشبك .. وشقحه من فوقه , ونطق باب الطلعه حق خروج الطواري لين ما أذينا اللي قاعدين قدام وفتحولنا الباب وإلا الشامي "حسن العطوي" يطلق صرخته المعتاده والشعب يضحكون ... وإنتسمت ولا كنا سوينا شي :z041:... ودار درى ودار ما درى ... وعن الدندره
وللمذكرات بقيه .

الأملح غير متصل  
قديم 05 / 11 / 2008, 24 : 08 PM   #114
مبدع
 
الصورة الرمزية خالد جزاء
 
تاريخ التسجيل: 22 / 02 / 2007
رقم العضوية: 3062
المشاركات: 1,967
خالد جزاء is on a distinguished road

هلا بالاملح ماشأالله عليك تمتلك أسلوب في سرد القصة أنت وأخي أبوسليم ماشأالله عليكم مبدع في حضورك

خالد جزاء غير متصل  
قديم 05 / 11 / 2008, 42 : 09 PM   #115
المشرف العام
 
الصورة الرمزية رحيمة
 
تاريخ التسجيل: 28 / 12 / 2003
رقم العضوية: 2
الدولة: رحيمة
المشاركات: 18,597
رحيمة is on a distinguished road

كل سوالفك طيبه يالمملوح

بس حلوه ما اطخلكم

اسعد الله سنك يالغالي

التوقيع
لاتدع الناس يعرفون عنك سوى سعادتك
رحيمة متصل الآن  
قديم 05 / 11 / 2008, 24 : 10 PM   #116
ابن رحيمة البار
 
الصورة الرمزية ابو حمود
 
تاريخ التسجيل: 01 / 08 / 2006
رقم العضوية: 2220
الدولة: على حد الزاويه وطرف البساط
المشاركات: 6,219
ابو حمود is on a distinguished road

جرالنا ما جرالكم يالاملح
هناك سرد عفوى امتزت به عن غيرك وهذا هواللى مزينك
واصل يازين الملحان فأن اشتاق لهذا الاسلوب الرحماوي الجميل
تحياتــــي
ابو حمود

التوقيع
ابو حمود غير متصل  
قديم 05 / 11 / 2008, 24 : 10 PM   #117
مبدع
 
الصورة الرمزية حطام الماضي
 
تاريخ التسجيل: 25 / 01 / 2004
رقم العضوية: 45
الدولة: وسط كوووووخي
المشاركات: 18,225
حطام الماضي is on a distinguished road

متابع سواليفك وبشغف

حلووووووه

متابع

التوقيع
لن ننساك
حطام الماضي غير متصل  
قديم 05 / 11 / 2008, 26 : 10 PM   #118
مبدع
 
الصورة الرمزية الفيحاني
 
تاريخ التسجيل: 21 / 09 / 2008
رقم العضوية: 15169
الدولة: روحي رحيمه
المشاركات: 3,059
الفيحاني is on a distinguished road

الله يعطيك العافيه أخوي الأملح (( المولح )) سوالفك ترد الروح لما فيها من نو وشبا
( تحب العلوم يالأملح )
خذ السالفه أنت ومتصفحي صفحة المملوح قبل تقريباً 30 عاماً أنا وأخواني أللي أكبر مني (( ع )) و (( س )) رايحين البحر مع الوالد الله يرحمه
في داتسون موديل 70 وتونا واصلين ورحنا على السيف والوالد شافله دناشل وسكيفلات (( مرابيع )) خق الوالد قعد يشيل منهم وفجأه ألاأخوياه مارين
علينا بالطراد داخل البحر على السيف وهم سليم العكاش الله يرحمه والقاسم الله يرحمه معاهم واحد ثالث ناسيه وكان طرادهم ألمنيوم شافهم الوالد وشافوه
جاو عندنا قالو للوالد يالله تدش ويانا قال يالله فوقه أول لاتروح عند حرس الحدود سجل أسامي ولا شي صفطنا ماكأنا معاه راحو قعدنا لحالنا نسبح ونلعب
جاء المغرب وجاء العشاء جات الساعه تسع ولا أحد بين منهم وحنا حاشرين عمرنا داخل الداتسون شوي ألا سياره جايه من بعيد كل شوي تقرب وقف
عندنا ونزل طلع واحد من قرايبنا جاي يدورنا أرسلوه الأهل بعد ماتباطونا ماكذبنا خبر شلنا عليه ورحنا معاه وخلينا السياره والمفاتيح فيها كانت الساعه
عشر في اليل مافيه معانا ماء ولاأكل عاد الوالد الله يرحمه أشتد عندهم الصيد نسانا رحنا البيت والله من التعب حطيت راسي وشبع رقاد قمت
الساعه 6 الصباح كان يوم الخميس ألا الوالد توه يوقف بالسياره مع أخوياه وينثرون السمك على الرصيف صيد على كيف كيفك والله بعذره صفطنا
ويقولي وين رحتو وليه رحتو كان أنتضرتوني الله يرحمه الوضع عنده عادي .
بس شوف كيف كان الوضع قبل أنه أحسن من ألحين ألف مره لأن كل شي كان على طبيعته ومافيه الأمور اللي تحصل في وقتنا هذا الله يرحم قبل .


أنشاألله ياأخوي الأملح وأخواني القراء أسعدناكم في مارويت


أخوكم ،،،،،،،،،،،،،، الفيحاني

التوقيع

الفيحاني غير متصل  
قديم 06 / 11 / 2008, 03 : 04 AM   #119
مؤلف
 
تاريخ التسجيل: 11 / 05 / 2004
رقم العضوية: 369
الدولة: رحيمة
المشاركات: 7,393
صالح محسن القعود is on a distinguished road

ذكريات الجيل الاول في رحيمة نحن بحاجة لها حيث ان السينما في حي رضوى(ارامكو)لايوجد لها مثيل في المملكة ........يعني تميز لاهالي رحيمة وهي مصممة على مستوى راقي.........ولا اعلم ما اذا كانت موجودة حتى الان ام لا.
شكرا لك يالاملح كم نحن بحاجة لما يخطه قلمك.............ذكريات لم تكتب في المنتدى حتى الان نظرا لكبر سنك كما قلت لك فانت من الجيل الاول.
الف شكر لكل من شارك.
ودمتم
والله يحفظكم

التوقيع
وتلك الايام نداولها بين الناس
صالح محسن القعود غير متصل  
قديم 06 / 11 / 2008, 04 : 06 PM   #120
وقت وعدى
 
الصورة الرمزية الأملح
 
تاريخ التسجيل: 03 / 09 / 2008
رقم العضوية: 14985
الدولة: في قلب الصراحه
المشاركات: 8,233
الأملح is on a distinguished road

مواق ؛ وخذ من العلم زياده , نسيت أعد في السالفه .. يوم إفتحولنا باب مخرج الطواري وإلا إللي داخل السينمه طق نعل على الكراسي ما فيه كراسي زايده , وبعض الشعب يطالعون الفلم وقافي ... الأملح ما طاحت عينه إلا على ابوخلف " الشبر " - الله يرحمه ويغفر له - ساطر مع اللي قاعدين قدام , وبدون تردد من الأملح سيده على الشبر واحطز في حضنه
"من الميانه" وبعدين مافيه كرسي اقعد عليه وبعد منقطع قلبي لايقزني السكورتي واروح فيها ... وعلى طول ماوعيت إلا ببوخلف وهو حاط يدينه في خواصري ... ويدفني ذيك الدفه إلا وآنا متكرفس ويا كنبلي على الارض تحت عند الشاشه وهات ظحك وكركره , المهم طالعت الفلم وآنا قاعد على الارض متربع ومتسند على سيقانه .

الأملح غير متصل  
 

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



الساعة الآن 14 : 01 AM


Powered by vBulletin® Version 3.8.7
Copyright ©2000 - 2019, Jelsoft Enterprises Ltd
لا تتحمّل منتديات رحيمة أيّة مسؤوليّة عن المواد الّتي يتم عرضها أو نشرها في المنتدى. ويتحمل الكتاب بالتالي كامل المسؤولية عن كتاباتهم وإدراجاتهم التي تخالف القوانين

Security team